p { padding: 0px 0px 0px 0px; }

የዋና ሥራ አስፈፃሚ መልዕክት

ወደ ኬሚካል ኢንዱስትሪ ኮርፖሬሽን ድህረገፅ እንኳን ደህና መጣችሁ፡፡ ይህ ድህረገፅ በሀገር ውስጥም ሆነ በመላው ዓለም ላሉ ደንበኞቻችንና የድህረገጹ ጎብኚዎች ስለኮርፖሬሽናችን እሴቶች ስትራቴጂዎችና አገልግሎቶች ይበልጥ እንዲያውቁ ያስችላቸዋል የሚል ተስፋና እምነቱ አለኝ፡፡ 

የኬሚካል ዘርፍ ለማኑፋከቸሪንግ ኢንዱስትሪ ዕድገት የጀርባ አጥነት እና ወሳኝ ዘርፍ ነው፡፡ ዘርፉ ለተለያዩ ኢንዱስትሪዎች የግብዓት ምንጭ ሆኖ እያገለገለ የሚገኝ ሲሆን በሀገራችንም ለግብርና ክፍለ ኢኮኖሚ፣ ለጤና ዘርፍ፣ ለኮንስትራክሽን ኢንዱስትሪ፣ ለማኑፋከሪንግ ኢንዱስትሪ እና ለሌሎች ኢንዱስትሪዎች ግብዓት በማቅረብ ጉልህ አስተዋጽኦ በማበርከት ላይ ይገኛል፡፡ የኬሚካል ኢንዱስትሪ ኮርፖሬሽን እነዚህን ምርቶች አምርቶ ለገበያ በማቅረብ ለሀገራችን ኢኮኖሚ የበኩሉን አስተዋጽኦ በመወጣት ላይ ይገኛል፡፡

የኬሚካል ኢንዱስትሪ ኮርፖሬሽን በሚኒስትሮች ምክር ቤት ደንብ ቁጥር 280/2005 ታህሳስ 30 ቀን 2005 ዓ/ም እንዲሁም በተሻሻለው ደንብ ቁጥር 416/2009 መሠረት የተቋቋመ ኮርፖሬሽን ሲሆን በሥሩ ሙገር ሲሚንቶ ፋብሪካ፣ አዳሚ ቱሉ ፀረ-ተባይ ማዘጋጃ ፋብሪካ፣ አዋሽ መልካሳ ኬሚካል ፋብሪካ ፋብሪካ፣ ባቱ ኮስቲክ ሶዳ ፋብሪካ፣ ጎማ ዛፍ ልማትና ምርት ፕሮጀክት ያስተዳድራል፡፡

ኮርፖሬሽኑ ከተቋቋመባቸው ዓላማዎች ውስጥ የማዳበሪያ፣ የጎማ ዛፍ ውጤቶች፣ ሲሚንቶ እና ሌሎች የኬሚካል ምርቶችን በፋብሪካ ማዘጋጀትና ማምረት፣ ምርቶቹንና ተረፈ ምርቶችን ለሀገር ውስጥና ለውጭ ገበያ ማቅረብ፣ ወዘተ እና ዓላማውን ከግብ ለማድረስ የሚረዱ ሌሎች ተዛማጅ ሥራዎችን መሥራት ናቸው፡፡

ተልዕኮአችን “ስትራቴጂያዊ የሆኑና የገበያ ክፍተት ያለባቸው የኬሚካል ኢንዱስትሪ ምርቶችን አምርቶ ለአገር ውስጥና ለውጭ ገበያ በማቅረብ ለዘላቂ ሀገራዊ ልማት አስተዋፅኦ ማድረግ፤”ነው፡፡ ስትራቴጂያችን የሰው ሀብት ቴክኖሎጂና አቅምግንባታ እንዲሁም ቀጣይነት ያለው የንግድ ለውጥና ማሻሻያ እና የምርምር ልማትና ትግበራ ነው፡፡

“ስትራቴጂያዊና የገበያ ክፍተት ያለባቸው የኬሚካል ኢንዱስትሪ ምርቶችን አምርቶ ለገበያ በማቅረብ በ2017 ዓ.ም በምስራቅ አፍሪካ ከሚገኙ ስኬታማ ተቋማት አንዱ ሆኖ መገኘት፤የሚለውን ራዕይ ለማሳካትም ማኔጅመንቱና ሰራተኛው የኮርፖሬት እሴትና የደንበኞች እርካታን ለማረጋገጥ ቁርጠኛ ሆነው እየሠሩ ይገኛሉ፡፡

በተጨማሪም በሁሉም ስራዎቻችን የአካባቢን ደህንነት በጠበቀና አመቺ በሆነ መልኩ እየተንቀሳቀስን ሲሆን ይህንንም አጠናክረን የምንቀጥል ይሆናል፡፡

እስካሁን በሰራናቸው ስራዎች ኩራት የሚሰማን ሲሆን አገልግሎታችንን ለሚፈልጉ ደንበኞች ምርቶቻችችን በጥራት ለማድረስ ያለን ቁርጠኝነት የላቀ ነው፡፡ በቀጣይም የፋብሪካዎችን የማምረት አቅም ለማሳደግ የተጀመሩ የፋብሪካው የመልሶ ማደስ ሥራ እና ፕሮጀክቶችን ለማጠናቀቅ ቁሳዊና ሰብዓዊ ሀብት በማስተባበር በትኩረት በመሥራት ላይ ይገኛል፡፡

በመጨረሻም የኮርፖሬሽኑ ማህበረሰብ ለኮርፖሬሽኑ ዕድገትና ህልውና የሚረዱ አዳዲስ ሃሳቦችን በማመንጨትና ሥራ ላይ በማዋል ለምርትና ምርታማነት ዕድገት፣ ለውጤታማነትና ትርፋማነት መረጋገጥ የበኩላችሁን ድርሻ እንደትወጡ ጥሬዬን እያቀረብኩ፤ ዌብሳይቱን በመጎብኘት ስለኮርፖሬሽናችን ይበልጥ እንድታወቁ እጋብዛችኋለሁ፡፡ 

Comments powered by CComment

FacebookTwitter
02347
Today: 1
Yesterday: 15
This Week: 42
Last Week: 32
This Month: 122
Last Month: 142
Total: 2,347

Please publish modules in offcanvas position.

p { padding: 0px 0px 0px 0px; }